Spelet Om Marikollen

Spel inspirert av den store aktiviteten i og rundt 90-metersbakken på Viggja. Her er vi like før og under eit hopprenn på 50-talet og vi følgjer bygdafolket sitt strev for å gjere alt klart, og Mari sin kamp for å få hoppe i konkurranse. Dei neste framsyningane er 10. og 11. august 2024 ved lagshytta til Viggja idrettslag i Seljan.

Vil du bli med i prosjektkor, eller har du ein draum om å spele skodespel?

Til framsyninga i 2024 set vi i gang eit prosjektkor. Vi vil ha meir lyd "i bakken" og treng songarar på alle stemmar. Musikalsk leiar, Kristian Raanes, vil stå for øvingane som får oppstart 1. mai. Det blir totalt seks øvingar før sommaren. Er du ein del av ein songglad familie er dette ein fin fellesaktivitet!

Det er og plass for fleire skodespelarar. Regissør Anett Hjelkrem har første samling 6. mars og satsar på minst fem øvingar i løpet av mars og april.

Alle må rekne med ein meir intensiv øveperiode frå 29. juli fram til premieren. Ta kontakt med Mildfrid om du vil vere med.

Vi kan love eit inkluderande fellesskap med unike opplevingar!

Velkomen!